«¸¨§ الـ،ـروح الـ،ـ،ـ،ـعذبة §¨¸»

 رجعنا للمدرسة والدراسة

للأسف انا تعودت على الإجازة .. 

       بس يلا كلها كم شهر ونأجز من جديد ..    

~~~~~~~~~~~~~~~~~~~~~~~~~

على العموم انا موضوعي اليوم مو عن الدراسة

هذيك بس مقدمة ...

انا قبل كم يوم سويت مقلب في المسنجر يموت ضحك على اختي الكبيرة ..

>> يا الله مسكينة

~~~~~~~~~~~~~~~~~~~~~~~~~~~

خلينا نشوف مع بعض احداث المقلب اللطيف دا ..

~~~~~~~~~~~~~~~~~~~~~~~~~~~~

فجأة انقطع علي المسنجر .. وقعد مدري كم دقيقة مو راضي يشبك.. المهم شبك وقلت خليني اسوي مقلب في احد وما لقيت غير اختي موجودة على النت   

~~~~~~~~~~~~~~~~~~~~~~~~~~~~~

انا:

قوى >> على اساس اني كويتي لوول

هي:

الله يقويك

انا:

منو صاحب الإيميل

هي:

؟؟؟؟ انت مين ؟؟؟

انا:

انا اسمي حموود ..

هي:

هادا ايميل اختي

انا:

شسمها وشم عمرها ترى انا ناوي اتزوج

هي:

ممكن اعرف انت كيف دخلت على ايميلها بالأول؟؟

انا:

والله انا عمري 21 واتعلمت الهكر من واحد رفيجي  فقلت خليني اجرب واحترق هالإيميل واشوف اذا ينفع اتيوزها

هي:

طيب اتزوج ما قلنا شئ بس عيب عليك هادا الكلام ياخي

انا:

طيب شسمش يا حلوة ؟

هي:

عاد انت استنتج الإسم من النيك نيم

انا:

طيب انتي شم عمرش؟

هي:

انت ما عندك غير هالسؤال؟

انا:

لا عشان اذا انتي شبيرة اتزوجش

هي:

وبعدين انت شكلك كويتي صح ؟

انا:

ايي افااا عليش كويتي اصييل شكله صاحبة الإيميل سعودية

هي:

مم طيب انت ممكن اذا تبي تاخذلك وحدة كويتية روح هكر على ايميلاتهم وسيب بنات السعودية في حالهم

انا:

لا مو قصدي انا مب داري انه هالإيميل من السعودية الظاهر انه منتشر ولعلمش انا ريال محترم

هي:

بالغلط ؟؟؟؟؟؟؟؟؟؟؟

انا:

عادي لو اتزوجش بالنت؟؟ لوووول

هي:

ما شاء الله اكيد محترم اذا تقول للبنت انك تبغى تتزوجها مو تتعرف عليها

انا:

لا شدعوة انا مو راعي سوالف غشمرة انا منجد بعنس بس شم سنة

هي:

مع احترامي لك  انا ما اسمح لنفسي اني اتزوج عن طريق النت

انا:

اقول شكلش صغير عشان شذي ما تبين تتزوجين

هي:

صغيرة كبيرة ما يهمني .. يعني معقولة دوبنا طالعين من رمضان تسوي كدا؟؟

انا:

شنسوي بعد  اليوم عيد يا حبيبتي  وقلنا خلينا نفرح

هي:

والله انك مسكين.. العيد يا اخي هو اليوم الي نسلتم في جائزة رمضان .. ولا ما دروسكم في مناهجكم كدا؟

انا:

منو المستشين انا ؟ وبعدين احنا كل الي درسناه في التوحيد لا إله الا الله محمدا رسول الله ؟؟

هي:

الجائزة هي العفو من الله و المغفرة عن كل ما تقدم من ذنوبنا..لمن قام رمضان ايمانا و احتسابا

انا:

ماشاء الله عليش متندينة

هي:

بالله عليك انت الين دحين ما طفشت من كلامي الديني الممل .. روح دورلك بنت غيري

انا:

ليش  اطفش؟ كلامش زي العسل يا عمري

هي:

تصدق انا زرت الكويت مررة و بصراحه جاتني صدمه فيكم يا شباب مو كأنكم عرب ولا مسلمين او على الأقل شباب محترمين ملابــسكم غربيه و قصاتكم عجيبه و تصرفاتكم ما اقول غير لا حول ولا قوة الا بالله

انا:

افاااااااا ليش شباب الكويت كلهم عندهم احاسيس ومشاعر

على العموم .. عسى ما اكون عطلتش على اشغالش .. انا لازم امشي الحين..

هي:

ايوة عندي طلب اخير..ابغاك ترجع ايميل اختي وتبطل من سواليفك هادي ok?

انا:

ان شاء الله يلا سي يو ..

~~~~~~~~~~~~~~~~~~~~~~~~~~~~~~~~

واااو وناسة المقلب صح ؟؟ لووول

المهم انا آسفة اني طولت عليكم .. بس بقولكم ايش حصل بالنهاية

اولا:

هي طبعا صدقت المقلب ومرة اتفجعت علي وجات وقالتلي وانا ولا كأنه شئ لووول

وانا قلتلها عشان كدا ما رضى يشبكلي .. المهم

قبل ما ننام قلتها على الحقيقة وارتفع ضغطها عليي مرررة

الــــــــــــنهاية